Missiar ste robe e lavorar ben sta pasta; sbassarla in foli sottilissimi; ritagliar i crostoli […strisse larghe 2 cm…], recordandose che più la pasta la sarà sutila, più i crostoli i diventerà gustosi. Butarli, uno par volta, in tanto struto (o ogio cogente). Po desgiossarli su carta sugante e spolverarli de su caro cristalizà. El xe un dolse de obligo par le feste de carneval.
Sti « crostoli », ditti anca « galani », i va benon par i garanghei de carneval, quando che se raduna i amissi de famegia per far quatro salti e quatro ridae sensa pensieri ! Ma ocio che, anca ne’l divertirse, bisogna farlo da “venessiani”, ossia co bon sesto e co bona creansa, senza far strepiti fora de misura e regolandosi su le parole de Goldoni:


El “ciasso” xe da calle! In alto xe “alegria”

el rango de “morbin” el xe de meza via